ᕿᓚᓗᒐᑦ ᓇᔪᓲᖏᑦ ᑑᒑᓕᑦ

ᕿᓚᓗᒐᑦ ᑑᒑᓕᑦ (ᒪᓄᑕᓐ ᒧᓄᓯᐅᕈᔅ) ᐊᑎᖃᖅᑎᑕᑦ ᑑᒑᓕᒃ ᐃᓄᒃᑎᑐᑦ ᐱᔾᔪᑎᖃᓗᐊᖅᖢᑎᒃ ᑑᒑᖓᓄᑦ ᑎᒡᒐᖏᑕ ᑕᑭᔫᓪᓗᓂ ᐊᒻᒪᓗ ᐅᐊᔅᓯᐅᑉ ᑲᐅᕙᑕᖏᑕ ᐃᒡᓗᖔᖓᓄᑦ ᐅᐃᔾᔭᖓᓂᖃᓐᓂᐊᓄᑦ ᐃᓚᖏᑦ ᑕᑭᓛᑦ ᑎᑭᐅᒪᓲᑦ 9 ᐃᓯᒐᑦ ᐅᖓᑖᓄᑦ ᒪᐃᖅᓯᓐᓃᑦ ᑎᒡᒐᖏᑕ ᓂᐊᖁᖏᓐᓂᒃ. ᑖᒃᑯᐊ ᓴᖅᐱᓖᑦ ᐅᖃᐅᓯᐅᔪᑦ ᓂᔾᔪᑎᑦ ᐊᔾᔨᐅᖏᑦᑐᒥᒃ ᐃᓱᒫᓗᓐᓇᖅᑐᑦ ᐊᒻᒪᓗ 70,000, ᐊᒻᒪᓘᓐᓃᑦ ¾ ᓄᓇᔾᔪᐊᓕᒫᒥᑦ ᕿᓚᓗᒐᖁᑎᖏᑦ, ᐅᑎᓲᑦ ᐊᕐᕌᒍᑕᒫᖅ ᐊᐅᔩᕝᕕᒋᔭᒥᑕ ᑕᕆᐅᖏᓄᑦ ᐃᓗᐊᒍᑦ ᑲᖏᖅᖢᒐᓛᓗᖏᑕ ᑕᓪᓗᕈᑎᐅᑉ ᑕᕆᐅᖏᑕ. ᐅᓇ ᓄᓇᙳᐊᖅ ᖃᓕᕇᓕᖅᓯᒪᔾᔪᑎᖓ ᑕᑯᔅᓴᐅᑎᑦᑎᔪᖅ ᕿᓚᓗᒐᓂᒃ ᑐᒑᓖᑦ ᓇᐅᒃᑯᑦ ᐊᑐᖅᑕᖃᓲᖑᒻᒪᖔᖏᑕ ᑕᕆᐅᖓᓂᒃ ᒪᓕᒃᖢᒍ ᐃᓄᐃᑦ ᖃᐅᔨᒪᔭᑐᖃᖏᑕ ᓄᓇᓖᓪᓗ ᓇᔪᖅᑐᓄᑦ ᖃᐅᔨᒪᓂᕆᔭᐅᔪᓄᑦ ᐃᖃᓗᒐᓱᕝᕕᐅᓲᑦ ᑲᑎᖅᓱᒐᐅᔪᑦ ᐃᒪᒻᒥᐅᑕᓕᕆᔨᒃᑯᓐᓄᑦ ᑲᓇᑕᒥ.